Përfaqësojnë grupe të ndryshme, por që kanë një hall të ngjashëm.
Këta punëtorë teknik të sektorit privat dolën të hënën në sheshin Zahir Pjaziti në Prishtinë, për të ritheksuar kërkesat e tyre ndaj qeverisë e kompanive, bash kur po shënohet Dita e Punëtorëve.
Protestën, këta thonë se e kanë të vetmen zgjidhje edhe këtë 1 maj. Më pas nisi marshimi gjatë sheshit, e nevoja për plotësimin e kërkesave siç thonë është e madhe.
Kur arrijnë te qeveria, kërkesa për miratimin e pagës minimale si më e ulëta në rajon, u kërkua edhe përmes zërimit. Njëfarë ultimatumi, ekzekutivit iu dërgua nga higjenistët e Gjakovës që thanë se nëse nuk merren parasysh do të largohen nga vendi.
Pas rreth një ore, protesta që po monitorohej edhe nga policia, u mbyll paqësisht.